Darrièra parucion
Aquesta deambulacion entre fotografias en negre e blanc culhidas a pauc prèp totas pel departament d’Aude e poèmas corts, alestits sul modèle elegiac de’n Renat Nelli, convida a la contemplacion.
S’es tescuda amb la fibra d’un amor mairal, enfugit per sempre e plan escondut, puèi pastat de la lutz d’un agait pairal, abeurat de sovenirs, de nostalgia e de sorires definitius, mas tanben de sòmnis, e noirit de tota la preséncia de l’amistat partejada. Lo recuèlh s’espandís per un territòri literari d’ont son estats tirats mantes aujòls de l’autor, protestants oblidats, catolics sense glèisa, socialistas jauresians, plan coneguts, amats e regretats, o dispareguts per la nebla azardosa de las legendas familialas.
- Nombre de paginas : 132
- ISBN 979-10-93692-52-4
Totas las publicacions
Franc Bardòu a bastit una òbra poetica — e, accessòriament, prosaïca — pro consequenta, de ja mai d’un trentenat de libres publicats. Sa lenga es l’occitan, non pas dins qualque fòrma localista, dins la fòrma universalista e resolgudament modèrna qu’es l’estandard de l’Academia Occitana, mas una granda partida de sas creacions es disponibla tanben dins una traduccion en francés estandard.
